ZER DA METODOLOGIA?

Aste honetan, Metodologiari buruzko aurkezpena tokatu zen. Aurkezpen hau, Haizea Vazquez, Itziar Zanguitu eta ni, Ana Tomé egin genuen.

Hasiko naiz azaltzen:

Metodologia, hezkuntzaren helburuak lortzeko elementu giltzarria da. Pedagogia bakoitzak zehazten duten erabakiak eta estrategiak adierazten ditu, hezkuntza-teorian oinarrituta. Baita, espazioen, denboraren, proposamenen, materialen, esku-hartzeko estiloen eta beste alderdi askoren gaineko erabakiak planifikatzeko, antolatzeko eta zehazteko aukera ematen digu metodologiak.

Curriculumaren arabera, honek ikasleen garapenean ematen den laguntzan esku hartzen duten aldagaien artean, bost alderdi bereizten dira:

1. Eguneroko bizitzarako arazo-egoerak jolasaren eta saiakuntzaren bidez ebazteko aukera ematen du.

2. Egoera errealak hartu behar dira aintzat, eta benetako jarduerak proposatu; ezagutza, eguneroko bizitzarako arazo nagusiekin lotu behar da.

3. Haurrak pertsona aktiboa izan behar du.

4. Ikastea ez da, soilik, egiten jakitea.

5. Hezitzaileak, gidari edo laguntzaile izan behar du.

Metodologia, hainbat eratan planteatu daiteke. Normalean, metodologia bakoitzak autore batekin erlazionatzen da. Aurkezpena egiterakoan, zailtasun handiak eduki genituen ez genekielako nola planteatu eta nola egin, hainbat kontzeptu azaldu nahi genituen. Beraz, bost metodologia ezberdin deskribatzea erabakitu genuen, gure ustez, gehien erabiltzen direnak:

INTERESGUNEAK

Haurrari, eduki arloekin lotutako hainbat jarduera eskatzen zaizkio, ingurunearen premien edo motibazioaren arabera.

18 hilabetetik aurrera ematen da, umearen erritmoa errespetatuz.

TXOKOEN TEKNIKA

Teknika honen bidez, jolasteko gune antolatuak sortzen dira. Leku horretan, haurraren adinari dagokion interesen araberako materialak biltzen dira.

2 urtetik aurrera ematen da.

TAILERRAK

Txokoen antzeko teknika da, lan monografikoa lantzen delako. Tailer bakoitzak bere lekua du, eta teknika ia guztiz gidatua da.

12 hilabetetik aurrera ematen da.

JOLAS LIBREA

Haur eskoletan, gehien erabiltzen teknika da. Leku itxietan ala zabaletan elementuak ondo antolatuz gero, haurrak gehien interesatzen zaizkion elementuak hautatzen ikasiko du.

12 hilabetetik aurrera ematen da.

JOLAS ESPERIMENTALA

Inguruneko baliabideak antolatuz gero, ingurunea eta ordena ezagutzeko mugimenduzko jolasa garatzeko dituen aukerak aztertzen ditu. JOLAS HEURISTIKOA.

18 hilabetekin ematen da.